ದೇಶದ-ವಿದೇಶ

Indo-China conflict: 40 ವರ್ಷಗಳಲ್ಲೆ ಇದು ಭಯಾನಕ ಪರಿಸ್ಥಿತಿ ಎಂದು ಬಣ್ಣಿಸಿದ ಅಮೆರಿಕ ಪತ್ರಿಕೆಗಳು

Source : NS18

ಚೀನಾ-ಭಾರತ ಗಡಿಯಲ್ಲಿ ಪರಿಸ್ಥಿತಿ ತೀವ್ರ ಹದಗೆಟ್ಟಿದೆ. ಚೀನಾ ಸೇನೆ ಹಾಗೂ ಭಾರತೀಯ ಸೇನೆ ನಡುವೆ ನಡೆದ ಘರ್ಷಣೆಯಲ್ಲಿ ಬರೋಬ್ಬರಿ 20 ಭಾರತೀಯ ಸೈನಿಕರು ಹುತಾತ್ಮರಾಗಿದ್ದಾರೆ. ಈ ಬಗ್ಗೆ ಬರೆದಿರುವ ಅಮೆರಿಕ ಮಾಧ್ಯಮಗಳು 4 ದಶಕಗಳ ಚೀನಾ-ಭಾರತ ಗಡಿ ವಿವಾದದಲ್ಲಿ ಇದು ಅತ್ಯಂತ ಭಯಾನಕ ದಿನ ಎಂದು ಬಣ್ಣಿಸಿವೆ.

“ಎರಡೂ ರಾಷ್ಟ್ರಗಳು ಈ ಭಾಗದಲ್ಲಿ ಇನ್ನೂ ಹೆಚ್ಚಿನ ಸಂಘರ್ಷ ನಡೆಯುವುದನ್ನು ಇಷ್ಟಪಡುತ್ತಿಲ್ಲ. ಅದರಲ್ಲೂ ಭಾರತ ಈ ಬಗ್ಗೆ ಹೆಚ್ಚು ಆಸಕ್ತಿ ವಹಿಸಿದೆ. ಏಕೆಂದರೆ, ಚೀನಾ ಸೇನೆಗೆ ಸರಿಯಾಗಿ ನಿಲ್ಲುವ ತಾಕತ್ತು ಭಾರತ ಬಳಿ ಇಲ್ಲ,” ಎಂದು ನ್ಯೂಯಾರ್ಕ್​ ಟೈಮ್ಸ್​ ಉಲ್ಲೇಖಿಸಿದೆ.

ಭಾರತದ ಮಿಲಿಟರಿ ಅಧಿಕಾರಿಗಳು ಹೇಳವು ಪ್ರಕಾರ 12ಕ್ಕೂ ಹೆಚ್ಚು ಭಾರತೀಯ ಸೈನಿಕರು ಕಾಣೆಯಾಗಿದ್ದಾರೆ. ಇವರನ್ನು ಚೀನಾ ಸೇನೆ ಬಂಧಿಸಿರಬಹುದು ಎನ್ನುವ ಅನುಮಾನವನ್ನು ಭಾರತ ವ್ಯಕ್ತಪಡಿಸಿದೆ ಎಂದು ನ್ಯೂಯಾರ್ಕ್​ ಟೈಮ್ಸ್ ಹೇಳಿದೆ.

ಭಾರತ ಈ ಸಮಯದಲ್ಲಿ ಚೀನಾ ಜೊತೆ ಯುದ್ಧ ಮಾಡಲು ಬಯಸುತ್ತಿಲ್ಲ. ಏಕೆಂದರೆ, ಕೊರೋನಾ ವೈರಸ್​ನಿಂದಾಗಿ ಭಾರತದ ಆರ್ಥಿಕತೆ ಕುಸಿದಿದೆ. ಲಕ್ಷಾಂತರ ಮಂದಿ ಕೆಲಸ ಕಳೆದುಕೊಂಡಿದ್ದಾರೆ. ಹೀಗಾಗಿ ಈ ಸಮಯದಲ್ಲಿ ಚೀನಾ ಜೊತೆ ಯುದ್ಧ ಸರಿಯಲ್ಲಿ ಎನ್ನುವ ನಿರ್ಧಾರಕ್ಕೆ ಬಂದಿದೆ ಎಂದು ಅಮೆರಿಕ ಮಾಧ್ಯಮಗಳು ಹೇಳಿವೆ.

ಚೀನಾದ ಭಯಕ್ಕೆ ಭಾರತ ಅಮೆರಿಕಕ್ಕೆ ಹತ್ತಿರ:

ಪ್ರಧಾನಿ ನರೇಂದ್ರ ಮೋದಿ ಅಧಿಕಾರಕ್ಕೆ ಬಂದ ನಂತರದಲ್ಲಿ ಚೀನಾ ತನ್ನ ಹುಚ್ಚಾಟವನ್ನು ಮತ್ತೂ ಹೆಚ್ಚು ಮಾಡಿತ್ತು. ಇದೇ ಕಾರಣಕ್ಕೆ ಅಮೆರಿಕಕ್ಕೆ ಭಾರತ ಹತ್ತಿರವಾಗಿದೆ ಎಂದು ಅಲ್ಲಿನ ದಿ ವಾಷಿಂಗ್ಟನ್ ಪೋಸ್ಟ್​​ ಬರೆದಿದೆ. “ಚೀನಾ ಹಾಗೂ ಭಾರತದ ಸಂಬಂಧ ಸರಿಯಾಗಿಲ್ಲ. ಹೀಗಾಗಿ ಅಮೆರಿಕಕ್ಕೆ ಭಾರತ ಹತ್ತಿರವಾಗುವ ಪ್ರಯತ್ನ ಮಾಡುತ್ತಿದೆ,” ಎಂಬುದು ದಿ ವಾಷಿಂಗ್ಟನ್​ ಡಿಸಿ ಪತ್ರಿಕೆಯ ಅಭಿಪ್ರಾಯ.

Continue

Related Articles

Leave a Reply

Your email address will not be published. Required fields are marked *

Back to top button
Close
Close